افغانستان سے پاکستان میں مارٹر گولےفائرایک شخص جاں بحق 2 زخمی

کچھ گولے پہاڑوں پر گرے جس کے باعث وہاں لکڑیاں اکٹھی کرنے والے 3 افراد زخمی ہو گئے جس میں سے ایک شخص دم توڑگیا۔ فوٹو: فائل

---

افغانستان سے شمالی وزیرستان میں مارٹر گولے فائرکئے گئے جس کے باعث ایک شخص جاں بحق اور 2 زخمی ہو گئے۔

ایکسپریس نیوز کے مطابق تحصیل دتہ خیل کے علاقے لٹکہ مچہ مداخیل میں افغانستان سے داغے گئے 15 مارٹر گولے گرے جن کی آواز سے پورا علاقہ لرز اٹھا۔ کچھ گولے پہاڑوں پر گرے جس کے باعث وہاں لکڑیاں اکٹھی کرنے والے 3 افراد زخمی ہو گئے۔ زخمیوں میں سے ایک شخص بعد میں دم توڑ گیا۔ دو زخمیوں کو اسپتال منتقل کر دیا گیا ہے جہاں انہیں طبی امداد فراہم کی جارہی ہے۔