اوباڑو میں کار نہرمیں گرنے سے ماں اور 3 بیٹیاں جاں بحق

کموں شہید کے قریب کار سیہڑ نہر ميں گر جانے سے ماں اور 3 بیٹیاں ڈوب کر جاں بحق ہو گئیں جب کہ بچیوں کے والد بھی زخمی ہو گئے۔

ایکسپریس نیوز کے مطابق اوباڑو میں کموں شہید کے قریب تیز رفتاری کے باعث کار سیہڑ نہر میں جا گری جس کے نتیجے میں ایک ہی خاندان کے 5 افراد ڈوب گئے۔ حادثے کے بعد ریسکیو ٹیموں نے فوری طورپرجائے وقوعہ پہنچ کر نہر سے 3 بچیوں اور ماں کی لاشیں باہر نکالیں جب کہ بچیوں کے والد ریاض خالد کو بھی زخمی حالت میں نکال لیا گیا۔


اس خبر کو بھی پڑھیں: نوابشاہ اور جامشورو میں ٹریفک حادثات میں 8 افراد جاں بحق

پولیس کا کہنا ہے کہ جاں بحق ہونے والوں میں ایک سالہ روہیبہ، 6 سالہ طیبہ، 5 سالہ عائشہ اور ان کی والدہ شامل ہیں جب کہ ریاض خالد کو طبی امداد کے لیے اسپتال منتقل کردیا گیا ہے، کار رحیم یارخان سے سکھرجارہی کہ تیز رفتاری کے باعث حادثے کا شکار ہو گئی۔