روس اور امریکا جنگ سے متاثرہ شامی شہریوں کو مدد فراہم کریں بانکی مون
باغیوں کے زیرِ قبضہ حلب شہر کے مشرقی علاقوں میں امداد پہنچانا ترجیح ہے، جنرل سیکرٹری اقوام متحدہ
روس اور امریکا شامی حکومت پر اپنا اثر و رسوخ استعمال کر کے متاثرین تک امدادی سامان کی ترسیل یقین بنائیں، بان کی مون۔ فوٹو: فائل
اقوام متحدہ کے جنرل سیکرٹری بانکی مون کا کہنا ہے کہ روس اور امریکا شام میں جنگ سے متاثرہ افراد کے لئے خوراک کی فراہمی میں اپنا بھرپور کردار ادا کریں اور امدادی سامان کی ترسیل کو یقینی بنانے میں مدد فراہم کریں۔
غیرملکی خبررساں ادارے کے مطابق شام میں روس اور امریکا کی جانب سے جنگ بندی کے 48 گھنٹے گزرنے کے بعد بھی 40 ہزار لوگوں کے لیے خوراک اور امدادی سامان سے لدے ٹرک ترکی کی سرحد پر کھڑے ہیں جب کہ امدادی سامان سے لدے ٹرکوں کے 2 قافلے شامی شہر حلب کے مغرب میں 40 کلومیٹر دور کھڑے ہیں اور انھیں آگے جانے کی اجازت نہیں مل رہی۔ مقامی میڈیا کے مطابق سامان کی ترسیل میں تعطل کی بڑی وجہ کالعدم شدت پسند تنظیم القاعدہ کے حامی سرگرم ہیں جس کی وجہ سے حلب کو جانے والی مرکزی شاہراہ کسی بھی طور پر محفوظ نہیں ہے۔
اس خبرکوبھی پڑھیں: شام میں جنگ بندی کے اعلان کے باوجود فضائی حملوں میں 105 افراد ہلاک
اقوام متحدہ کے جنرل سیکرٹری بان کی مون کا کہنا ہے کہ باغیوں کے زیرِ قبضہ حلب شہر کے مشرقی علاقوں میں امداد پہنچانا ترجیح ہے تاہم فریقین کے درمیان اختلاف اور جان کی سلامتی کی تشویش کی وجہ سے ہنگامی امداد کی ترسیل تعطل کا شکار ہے۔ بان کی مون نے کہا کہ یہ انتہائی ضروری ہے کہ امریکا اور روس کی جانب سے ضروری حفاظتی اقدامات کیے جائیں تاکہ امدادی قافلے اپنی منزل کی جانب سفر کر سکیں۔ انھوں نے روسی حکومت پر زور دیا کہ وہ شامی حکومت پر اپنا اثر و رسوخ استعمال کریں اور امریکی حکومت سے بھی کہا ہے کہ وہ اس بات کو یقینی بنائیں کہ شام میں مسلح تنظیمیں مکمل تعاون کریں۔
غیرملکی خبررساں ادارے کے مطابق شام میں روس اور امریکا کی جانب سے جنگ بندی کے 48 گھنٹے گزرنے کے بعد بھی 40 ہزار لوگوں کے لیے خوراک اور امدادی سامان سے لدے ٹرک ترکی کی سرحد پر کھڑے ہیں جب کہ امدادی سامان سے لدے ٹرکوں کے 2 قافلے شامی شہر حلب کے مغرب میں 40 کلومیٹر دور کھڑے ہیں اور انھیں آگے جانے کی اجازت نہیں مل رہی۔ مقامی میڈیا کے مطابق سامان کی ترسیل میں تعطل کی بڑی وجہ کالعدم شدت پسند تنظیم القاعدہ کے حامی سرگرم ہیں جس کی وجہ سے حلب کو جانے والی مرکزی شاہراہ کسی بھی طور پر محفوظ نہیں ہے۔
اس خبرکوبھی پڑھیں: شام میں جنگ بندی کے اعلان کے باوجود فضائی حملوں میں 105 افراد ہلاک
اقوام متحدہ کے جنرل سیکرٹری بان کی مون کا کہنا ہے کہ باغیوں کے زیرِ قبضہ حلب شہر کے مشرقی علاقوں میں امداد پہنچانا ترجیح ہے تاہم فریقین کے درمیان اختلاف اور جان کی سلامتی کی تشویش کی وجہ سے ہنگامی امداد کی ترسیل تعطل کا شکار ہے۔ بان کی مون نے کہا کہ یہ انتہائی ضروری ہے کہ امریکا اور روس کی جانب سے ضروری حفاظتی اقدامات کیے جائیں تاکہ امدادی قافلے اپنی منزل کی جانب سفر کر سکیں۔ انھوں نے روسی حکومت پر زور دیا کہ وہ شامی حکومت پر اپنا اثر و رسوخ استعمال کریں اور امریکی حکومت سے بھی کہا ہے کہ وہ اس بات کو یقینی بنائیں کہ شام میں مسلح تنظیمیں مکمل تعاون کریں۔