فتح جنگ کے قریب ٹرین کی گاڑی کو ٹکر 3 افراد جاں بحق

فتح جنگ میں ٹرین کی پھاٹک پر کھڑی گاڑی کو ٹکر کے نتیجے میں 3 افراد جاں بحق ہوگئے۔

ایکسپریس نیوز کے مطابق فتح جنگ کے قریب خطار پھاٹک پر کھڑی گاڑی مہر ایکسپریس کی زد میں آگئی جس کے نتیجے میں 3 افراد جاں بحق اور 3 زخمی ہوئے جب کہ حادثے میں گاڑی کو شدید نقصان پہنچا۔ حادثے کے بعد پولیس کی بھاری نفری اورامدادی ٹیموں نے موقع پر پہنچ کر امدادی سر گرمیاں شروع کردیں۔


اس خبر کو بھی پڑھیں: ملتان میں عوام ایکسپریس کی مال گاڑی کو ٹکر

پولیس کے مطابق مطابق حادثہ پھاٹک پرعملے کی غیر حاضری کے باعث پیش آیا، جنگ روڈ خطار پھاٹک پر عملہ تعینات نہیں تھا اورنہ ہی مہر ایکسپریس کی روانگی کے وقت پھاٹک بند کیا گیا۔ نمائندہ ایکسپریس نیوز نے بتایا کہ فتح جنگ میں جس جگہ حادثہ پیش آیا وہاں ریلوے کی جانب سے کوئی پھاٹک نہیں لگایا گیا ہے جب کہ وہاں ایک تختی نصب ہے جس میں پھاٹک کراس کرنے والوں کو اپنی ذمہ داری پر کراس کرنے کا کہا گیا ہے۔