اداکار فاروق لاڈلا کسمپرسی کی حالت میں انتقال کرگئے

اداکار کی میت کئی گھنٹوں تک میو اسپتال کی ایمرجنسی کے باہر پڑی رہی،فوٹو:فائل

---

اسٹیج و فلموں کے اداکار فاروق عرف لاڈلا کسمپرسی کی حالت میں میو اسپتال میں انتقال کرگئے۔

ایکسپریس نیوز کے مطابق ماضی کے اداکار فاروق لاڈلا کو نامعلوم شخص میو اسپتال لے کر آیا اور ایمرجنسی کے باہر بٹھا کرچلا گیا تاہم ایمرجنسی کے باہر موجود لوگوں نے پرچی بنوائی تو اداکار کا انتقال ہوچکا تھا جب کہ اداکار کی میت کئی گھنٹوں تک میو اسپتال کی ایمرجنسی کے باہر پڑرہی جس کی شناخت کے بعد اسپتال انتظامیہ نے لاش کوموچڑی منتقل کیا۔

فاروق لاڈلہ نے مختلف فلموں اور اسٹیج ڈراموں میں اداکاری کے جوہر دکھائے ہیں تاہم کافی عرصے سے خرابی صحت کے باعث فلم اور اسٹیج سے کنارہ کشی اختیار کرچکے تھے۔