فلم انڈسٹری کی سیاست سے دور رہتی ہوں مادھوری

اپنے کام کو ہی بھرپور توجہ کے ساتھ کرنے کی کوشش میں لگی رہتی ہوں ،مادھوری۔ فوٹو: فائل

---

RAHIM YAR KHAN: بالی وڈ اداکارہ مادھوری ڈکشٹ نے کہا ہے کہ اپنے کام سے کام رکھتی ہوں اور فنکار کی خوبی یہی ہوتی ہے کہ وہ اپنی پروفیشنل ذمے داریوں کو احسن طریقے سے نبھائے ۔

انھوں نے کہا کہ فلم انڈسٹری کی سیاست سے خود کو دور رکھتی ہوں ۔اور اپنے کام پر ہی بھرپور توجہ دینے کی کوشش کرتی ہوں ۔انھوں نے کہا کہ یہی سبب ہے کہ اب بھی اچھا کام کررہی ہوں اور میرے لیے مزید کام کی آفرز ہیں ۔



انھوں نے کہا کہ میں نے ہمیشہ خود کو فلم انڈسٹری کی سیاست سے دور ہی رکھا ہے اور کسی کے ترغیب دینے پر بھی ایسا نہیں کیا ۔کسی بھی دوسری سرگرمی کا حصہ نہیں رہی ہوں ۔اپنے کام کو ہی ہمیشہ ترجیح دی ہے اور آیندہ بھی اپنے کام پر ہی زیادہ توجہ مرکوز رکھوں گی۔

مادھوری ڈکشٹ نے مزید کہا کہ فلم انڈسٹری سے کبھی دور بھی نہیں ہوئی ،وقتی تعطل ضرور آیا ہے مگر اب بھی کام کررہی ہوں ۔انھوں نے کہا کہ آیندہ بھی نئی فلموں میں اپنی ایسی ہی پرفارمنس جاری رکھنے کی کوشش کروں گی ۔