کترینہ نے خاندان کی خاطر 5کروڑکی پیشکش ٹھکرادی

کترینہ کیف ہرسال کرسمس سے لے کرنئے سال تک کا تمام وقت خاندان کے ساتھ گزارتی ہیں۔ فوٹو : اے ایف پی/فائل

---

بالی وڈ ادا کارہ کترینہ کیف نے خاندان کی خاطر 5 کروڑ روپے کی پیشکش ٹھکرادی۔

میڈیا رپورٹ کے مطابق ''تیس مار خان'' فلم میں شیلا کی جوانی اوررواں سال پیش کی جانیوالی فلم ''اگنی پتھ'' میں چکنی چمیلی کی پرفارمنس کے بعد کترینہ بالی وڈ کی بہترین ڈانسرز میں شمار ہونے لگی ہیں۔ 31 دسمبر کوکترینہ نے کسی بھی پروگرام میں حصہ نہ لینے کا فیصلہ کیا ہے۔ رواں سال کترینہ کو نئے سال کے پروگراموں میں حصہ لینے کے لیے 8سے زیادہ پروگراموں کی پیش کش ہوئی ہیں تاہم انھوں نے ان تمام پیش کشوں کو ٹھکرادیا ہے۔



ذرایع کے مطابق کترینہ کبھی بھی 31دسمبر کے پروگراموں میں حصہ نہیں لیتی ہیں ، یہ اس کا اصول ہے۔ ہر سال وہ کرسمس سے لے کرنئے سال تک کا تمام وقت اپنے خاندان کے ساتھ گزارتی ہیں۔ حتی کہ اس سال فائیو اسٹارز ہوٹلوں کے تین آرگنائزرز نے انھیں الگ الگ 5 کروڑ روپے کی پیش کش کی ہے جب کہ چاردیگر ہوٹلوں نے4.75 کروڑ روپے کی آفرز دی ہیں ، لیکن انھوں نے ان تمام پیش کشوں کو ٹھکرا دیا ہے۔

توقع ہے کہ کترینہ اپنے خاندان کے ساتھ کرسمس اور نئے سال کی تقریبات کو منانے کے لیے آیندہ دوہفتوں میں لندن روانہ ہونے والی ہیں۔ لیکن دھوم3کا شوٹنگ پروگرام شاید ان کے منصوبے کو کچھ نقصان پہنچا سکے۔