مشکلات میں کام کرنا ہی کامیابی ہے سوناکشی سنہا

اپنا مقام بنانے کے لیے سخت محنت کررہی ہوں، سوناکشی سنہا۔ فوٹو: رائٹرز/فائل

---

بالی وڈ اداکارہ سوناکشی سنہا نے کہا ہے کہ مشکلات میں کام کرنا ہی کامیابی ہے۔

انھوں نے کہا کہ اپنا مقام بنانے کے لیے سخت محنت کررہی ہوں ۔فنی سفر کے دوران کئی مشکلات آتی ہیں اور ان میں ثابت قدم رہنا ہر کسی کے بس کی بات نہیں جو فنکار مسائل کے باوجود فنی سفر کو جاری رکھتے ہیں وہی کامیاب ہوتے ہیں ۔

انھوں نے کہا کہ سلمان خان اور اکشے کمار کے ساتھ پہلے بھی کام کرنے کا تجربہ تھا اور نئی فلم میں مجھے نئے تجربے سے گزرنا پڑا تاہم فلم میں اپنے کردار کو خوبی سے نبھایا ہے،مداحوں نے میرا حوصلہ بڑھایا ہے ۔



مداحوں کی جانب سے زبردست رسپانس ملنے پر بہت خوش ہوں ۔سوناکشی نے کہا کہ جو عزت اور مقام اس وقت مجھے نصیب ہوا ہے اسے برقرار رکھنے کے لیے سخت محنت کررہی ہوں ۔نئی فلموں میں آگے بڑھنے کی کوشش کروں گی ۔اداکارہ کا کہنا ہے کہ میری پرفارمنس ہی اب میری شناخت بن گئی ہے ۔