حلیمہ قتل کیس میں رضوان اور اس کی اہلیہ سونیا پر فرد جرم عائد

حلیمہ کو کراچی کی دہلی کالونی میں 25 مئی 2016 کو قتل کیا گیا تھا۔ فوٹو: فائل

---

عدالت نے حلیمہ قتل کیس میں مبینہ قاتل رضوان اور اس کی اہلیہ سونیا پر فرد جرم عائد کردی۔

ایکسپریس نیوز کے مطابق حلیمہ قتل کیس کی سماعت ڈسٹرکٹ اینڈ سیشن جج ساؤتھ کی عدالت میں ہوئی۔ اس موقع پر عدالت نے ملزم رضوان اور اس کی اہلیہ سونیا پر فرد جرم عائد کرتے ہوئے کہا کہ 25 مئی 2016 کو کراچی کی دہلی کالونی میں حلیمہ نامی خاتون کا قتل ہوا، کیا آپ اپنے جرم کا اعتراف کرتے ہے جس پر دونوں ملزمان نے صحت جرم سے انکار کردیا۔