شہدادپور ڈکیتی میں مزاحمت پر فائرنگ محنت کش ہلاک نوجوان زخمی

6 مسلح افراد ہاریوں کے گھروں میں داخل ہوئے، گاؤں احمد خان میں نوجوان قتل فوٹو: فائل

---

شہداد پور کے نواح میں مختلف واقعات میں 2افراد قتل ایک زخمی ہوگیا۔

تفصیلات کے مطابق شہداد پور کے نواحی قصبے معروف مگسی میں 6نامعلوم مسلح ڈاکو رات گئے ہندو ہاریوں کے گھروں میں لوٹ مار کی نیت سے داخل ہوئے اہل خانہ نے مزاحمت کی جس پر ڈاکوئوں نے اندھا دھند فائرنگ کردی۔



جس کے نتیجے میں ایک محنت کش فقیرو کولہی موقع پر ہی ہلاک جبکہ نوجوان ڈیو کولہی شدید زخمی ہوگیا جسے طبی امداد کے لیے اسپتال منتقل کیا گیا جبکہ دوسرا واقعہ شہداد پور کے قریب ٹنڈوآدم پولیس تھانے کی حدود میں واقع گائوں احمد خان بروہی میں پیش آیا جہاں نامعلوم افراد نے 30سالہ نور خان بروہی کو گولی مار کر قتل کر دیا۔ پولیس نے لاشیں پوسٹ مارٹم کے بعد ورثا کے حوالے کر دیں۔