کترینہ کیف پر ’’سمیتا پٹیل‘‘ ایوارڈ کی نامزدگی کے بعد شدید تنقید

سوشل میڈیا پر بالی ووڈ اداکارہ کو ایوارڈ کے قابل نہ سمجھے جانے کے باعث شدید تنقید کی جارہی ہے۔ فوٹو؛ فائل

---

بالی ووڈ کی باربی ڈول کترینہ کیف کے لیے سمیتا پٹیل ایوارڈدینے کا اعلان کیا گیا ہے جسے سوشل میڈیا پر شدید تنقید اور تضحیک کا نشانہ بنایاجارہا ہے۔

بالی ووڈ اداکارہ کترینہ کیف کو فلموں میں بہترین اداکاری پر ''سمیتا پٹیل'' میموریل ایوارڈ دینے کا اعلان کیا گیا ہے جس کی باقاعدہ تقریب 19 ستمبر کوممبئی میں منعقد کی جائے گی لیکن دوسری جانب سوشل میڈیا پر اداکارہ کے لیے ایوارڈ کے اعلان پرطنزاور سخت تنقید کا نشانہ بنایا جارہا ہے جب کہ سماجی رابطے کی ویب سائٹ ٹوئٹر پر سمیتا پٹیل ٹرینڈ بھی بن گیا ہے جس میں اداکارہ پر طنزاور تنقید کا سلسلہ جاری ہے۔

#KatrinaKaif to get Smita patil memorial award for her excellence in Bollywood
Someone kill me

— Sameera gawandi (@sameeratweeter) September 15, 2016

ٹوئٹر پر خاتون سمیرہ گوندی کا کہنا تھا کہ کترینہ کو بہترین اداکاری پر''سمیتا پٹیل'' ایوارڈ مل رہا ہے تو کوئی مجھے گولی مار ڈالے جب کہ ایک صارف نے اپنی ٹوئٹ میں کہا کہ کترینہ کیف کو سمیتا پٹیل ایوارڈ دیا جارہا ہے اور سب بھارت میں عدم برداشت کا الزام لگاتے ہیں۔

#KatrinaKaif to receive the #SmitaPatil Memorial Award. And then you blame Indians for being intolerant.

— Mansi (@FlicksideM) September 15, 2016

بوبی کا اپنی ٹوئٹ میں کہنا تھا کہ کترینہ کو سمیتاپٹیل ایوارڈ دینا ویسا ہی ہے جیسے ساجد خان کو آسکرایوارڈ دینا جب کہ ایک اور ٹوئٹ میں صارف نے کہا کہ یہ خبر سننے کے بعد سمیتا پٹیل قبر سے اٹھ جائیں گی اور اس پر حملہ کردیں گی جو یہ ایوارڈ کترینہ کو دے کران کا نام خراب کررہا ہے۔

https://twitter.com/thebobbydeoll/status/776666962533507072

https://twitter.com/DPCRAZEN1001/status/776377411256459265

واضح رہے کہ اداکارہ کترینہ کیف کی فلم''بار بار دیکھو''باکس آفس پر بزنس کرنے میں ناکام ہوگئی ہے جس کے بعد ان کے لیے ایوارڈ کا اعلان کیا گیا۔