متحدہ قومی موومنٹ کے زیر اہتمام آج یوم شہدا منایا جائے گا

قرآن خوانی کے اجتماعات ہونگے،شہدا کو زبردست خراج عقیدت پیش کیا جائیگا۔ فوٹو: فائل

---

متحدہ قومی موومنٹ کے زیر اہتمام 9دسمبر ہر سال کی طرح امسال بھی ''یوم شہدا'' کے طور پر منایا جائیگا۔

یوم شہداپر کراچی سمیت ملک بھر میں قرآن وفاتحہ خوانی کے اجتماعات ہونگے اور شہدا کو زبردست خراج عقیدت و سلام عقیدت پیش کیا جائیگا، قرآن خوانی اور فاتحہ خوانی کا مرکزی اجتماع جناح گرائونڈ عزیز آباد میں ہوگا، یوم شہدا کے سلسلے میں ایم کیوایم کی جانب سے جناح گرائونڈ عزیز آباد میں تیاریوں کا سلسلہ آخری مراحل میں ہے اور اس سلسلے میں جناح گرائونڈ میں بڑا پنڈال تیار کیا گیا ہے۔



دریں اثناء ایم کیوایم کی رابطہ کمیٹی کے ڈپٹی کنوینر ڈاکٹر فاروق ستار ، انیس احمد قائم خانی، سینیٹر نسرین جلیل، ڈاکٹر نصرت نے اراکین رابطہ کمیٹی کے ہمراہ جناح گرائونڈ عزیز آباد اور یادگار شہدائے حق کا دورہ کیا اور یوم شہدا کے سلسلے میں انتظامات کا بغور جائزہ لیا، اس موقع پر حق پرست اراکین پارلیمنٹ اور ایم کیو ایم کراچی تنظیمی کمیٹی ، کراچی مضافاتی کمیٹی سمیت دیگر شعبہ جات کے ارکان بھی ان کے ہمراہ تھے۔