پاکستان دہشت گرد ملک ہے بھارتی وزیرداخلہ کی ہرزہ سرائی

پاکستان مسلسل دہشت گردی اور دہشت گرد تنظیموں کی مدد کررہا ہے،راج ناتھ سنگھ کی ہرزہ سرائی۔ فوٹو: فائل

---

بھارتی وزیر داخلہ راج ناتھ سنگھ نے ہرزہ سرائی کرتے ہوئے ایک بار پھر پاکستان کو دہشت گرد ملک قرار دیتے ہوئے کہا کہ اسے عالمی سطح پر تنہا کردینا چاہئے۔

بھارتی وزیر داخلہ راج ناتھ سنگھ پاکستان کے خلاف زہر اگلنے میں اپنا ثانی نہیں رکھتے اور ملک میں ہونے والے دہشت گردی کے ہر واقعے کا ذمہ دار پاکستان کوقرار دے کر بھارتی عوام اور دنیا کی آنکھوں میں دھول جھونک دے دیتے ہیں اورایسا ہی ہوا آج بھی جب مقبوضہ کشمیر کے دارالحکومت سری نگر کے اڑی سیکٹرمیں قابض بھارتی فوج کے ہیڈ کوارٹر پر حملہ کیا گیا جس کے نتیجے میں 17 فوجی ہلاک اور20 زخمی ہوگئے۔

اس خبر کو بھی پڑھیں : مقبوضہ کشمیر میں بھارتی فوجی اڈے پر حملہ، 17 اہلکار ہلاک

Pakistan is a terrorist state and it should be identified and isolated as such.

— Rajnath Singh (@rajnathsingh) September 18, 2016

راج ناتھ سنگھ نے سماجی رابطے کی سائٹ ٹوئٹر میں کہا کہ پاکستان مسلسل دہشت گردی اور دہشت گرد تنظیموں کی مدد کررہا ہے، پاکستان ایک دہشت گرد ملک ہے جس کی نشاندہی کرکے ہمیں اس کو تنہا کردینا چاہیے۔ ادھر مقبوضہ کشمیر کی کٹھ پتلی حکومت کےنائب وزیراعلی نرمل کمار سنگھ نے بھی پاکستان پر دراندازی کا الزام لگاتے ہوئے کہا کہ پاکستان، حریت رہنما اور شدت پسند بھارت کے خلاف سازش کر رہے ہیں۔

I am deeply disappointed with Pakistan’s continued and direct support to terrorism and terrorist groups.

— Rajnath Singh (@rajnathsingh) September 18, 2016

دوسری جانب بھارتی وزیراعظم نریندر مودی نےحملے کی شدید الفاظ میں مذمت کرتے ہوئے کہا کہ وہ یقین دلاتے ہیں کہ واقعے کے ذمہ داروں کو قرار واقعی سزا دی جائے گی۔

We strongly condemn the cowardly terror attack in Uri. I assure the nation that those behind this despicable attack will not go unpunished.

— Narendra Modi (@narendramodi) September 18, 2016