رواں سال2016ء کے وسط تک ملک کی آبادی194.9ملین افراد تک پہنچ چکی ہے۔ پاکستان ڈیمو گرافک اینڈ ہیلتھ سروے رپورٹ کے مطابق ملک کی مجموعی آبادی100.4ملین مردوں اور 94.4 ملین خواتین پر مشتمل ہے۔

رپورٹ کے مطابق اس وقت شہروں میں رہائش پذیر آبادی 86.3 ملین افراد جبکہ دیہی علاقوں میں 108.5ملین افراد پر مشتمل ہے۔ شہری آبادی میں 44.5ملین مرد اور 41.8ملین خواتین شامل ہیں جبکہ دیہی آبادی میں 55.9ملین مرد اور 52.6 ملین خواتین شامل ہیں۔ رپورٹ میں کہا گیا کہ ملک کی آبادی 1.9فیصد کی شرح سے اضافہ ہو رہا ہے جبکہ مردوں کی اوسط عمر 69.6 سال اور عورتوں کی اوسط عمر 70سال ریکارڈ کی گئی ہے۔