ہاکی چیمپئنز ٹرافی میں پاکستان نے بھارت کو3-2 گول سے ہرا کرکانسی کا تمغہ جیت لیا اور تیسری پوزیشن حاصل کر لی۔
ایکسپریس نیوز کے مطابق میچ شروع ہونے کے کچھ ہی دیر بعد بھارتی ٹیم نے ایک گول کر کے برتری حاصل کر لی جسے پاکستان کی جانب سے محمد رضوان نے برابر کردیا، پاکستان کی جانب سے دوسرا گول شفقت رسول نے کیا جب کہ تیسرا گول عتیق نے پینلٹی کارنر پر کیا جب کہ بھارت نے دوسرا اور آخری گول کھیل کے آخری لمحات میں پینلٹی کارنر ملنے کے بعد کیا۔
گزشتہ روز پاکستان نے سیمی فائنل میں ہالینڈ کا سامنا کیا تھا۔ اس مقابلے میں پاکستان کو 5-2 گول سے شکست کا سامنا کرنا پڑا جب کہ دوسرے سیمی فائنل میں دفاعی چیمپئن آسٹریلیا نے بھارت کو شکست دی۔
واضح رہےکہ پاکستان نے 2004 کے بعد پہلی بار کوئی میڈل جیت لیا ہے۔