کراچی رینجرز کا ٹارگٹڈ آپریشن50 مشتبہ افراد گرفتار

رینجرز کے ایک ہزار سے زائد جوانوں نے آپریشن میں حصہ لیا جن میں خواتین اہلکاربھی شامل تھیں۔ فوٹو ایکسپریس

---

کورنگی بلال کالونی، گھاس منڈی اور سرجانی ٹاؤن میں رینجرز کے ٹارگٹڈ آپریشن کے دوران 50 سےزائد مشتبہ گرفتار، بھاری تعداد میں اسلحہ برآمد۔

ترجمان رینجرز کے مطابق کورنگی کے علاقے بلال کالونی میں6 گھنٹے طویل سرچ آپریشن کیا گیا جس میں 30 سے زائد مشتبہ افراد کوحراست میں لیا گیا، زیرحراست افراد میں 4 اہم ملزمان بھی شامل ہیں، رینجرز کے ایک ہزار سے زائد جوانوں نے آپریشن میں حصہ لیا جن میں خواتین اہلکاربھی شامل تھیں۔

دوسری جانب ہفتہ اور اتوار کی درمیانی شب گھاس منڈی اور سرجانی ٹاؤن میں ٹارگٹڈ آپریشن کے دوران 20 جرائم پیشہ افراد کو گرفتار کیا گیا جن کے قبضےسےپانچ ایم پی فائیو رائفلز، 40 بندوقیں، سیٹلائٹ فونز، نائٹ گوگلز، لیزر گنز اور بھاری تعداد میں گولیاں برآمد ہوئی ہیں۔