بالی ووڈ کی اداکارہ ودیا بالن کی شادی کی تیاریاں عروج پر ہیں،سنگیت کی تقریب میں ادکارہ ودیا بالن خود بھی رقص کریں گی۔
بھارتی میڈیا کے مطابق ودیا بالن اپنی شادی پر سنگیت کی تقریب میں خود بھی رقص کریں گی، اداکارہ ودیا بالن اور سدھارتھ کپور کی شادی 14 دسمبر کو منعقد کی گئی ہے، ودیا بالن کی بہن پریا کی شادی بھی 14 دسمبر کو ہی ہوئی تھی۔
دلہن ودیا اور دولہا سدھارتھ کپور کے گھروالوں نے شادی کی تیاریاں مزید تیز کردی ہیں، ودیا کی شادی پرسنگیت کی رسم 11 دسمبر کوہو گی جس میں فیملی اور فلم انڈسٹری کے قریبی دوست ہی شرکت کریں گے۔ انڈین میڈیا کے مطابق ڈرٹی پکچر کی "سلک" اپنے سنگیت پر ڈرٹی پکچر کے ہٹ سانگ "اولالا، اولا لا "پر خود رقص کریں گی، بالی ووڈ ایکٹرس کی شادی کی ساڑھی بھی تیار ہو چکی ہے جسے بھارت کے معرف ڈیزائنر ''سبھیا ساچی'' نے ڈیزائن کی ہے۔ ڈیزائنر ''سبھیا ساچی'' نے بالی ووڈ کی مختلف فلموں کے لے کپڑے بھی ڈیزان کر چکے ہیں۔