کرپشن کےعالمی دن کے موقع پر کراچی میں واک کا انعقاد

ڈی جی نیب سندھ واجد علی خان درانی نے کہا کہ کرپشن ملک کے لئے ایک سنگین مسئلہ ہےجسے ختم کرنے کے لئے مل کرکام کرنے کی ضرورت ہے۔ فوٹو: فائل

---

کرپشن کےعالمی دن کے موقع پر نیب کی جانب سے ساحل سمندر پر خصوصی واک کا انعقاد کیا گیا۔

واک کا مقصد عوام میں کرپشن کے بارے میں شعور اجاگر کرنا تھا۔ اس موقع پر ڈی جی نیب سندھ واجد علی خان درانی نے واک کےشرکا سےخطاب کرتے ہوئے کہا کہ نیب میں کوئی کرپشن نہیں ہو رہی اور افسران ایمانداری کے جذبے سے سرشار ہو کر اپنے فرائض انجام دیتے ہیں۔

واجد علی درانی نےکہا کہ انتظامی کرپشن کے بارے میں ملنے والی شکایات پر فوری کارروائی کی جاتی ہے۔ نیب نے کرپشن میں ملوث افراد سے ڈیڑھ ارب روپے سے زائد رقم وصول کی۔ ان کا کہنا تھا کہ کرپشن ملک کے لئے ایک سنگین مسئلہ ہےجس کے سدباب کے لئے زندگی کے تمام طبقات سے تعلق رکھنے والے افراد کو مل کر کام کرنے کی ضرورت ہے۔