کرکٹ محبت دوستی اور امن کا پیغام ہے ذکا اشرف

چیئر مین پی سی بی چوہدری ذکا اشرف کا کہنا ہے کہ قومی ٹوئنٹی 20 ٹورنامنٹ کے کامیاب انعقاد سے ثابت ہو گیا ہے کہ پاکستان کر کٹ کے لیے محفوظ ملک ہے ۔

بہت جلد ملک میں نہ صرف پریمیئر لیگ کا انعقاد ہوگا بلکہ غیر ملکی ٹیمیں بھی پاکستانی سرزمین کے سونے گرائونڈز آباد کریں گی ۔قذافی اسٹیڈیم لاہور میں قومی ٹوئنٹی20 ٹورنامنٹ کے فائنل میچ کے موقع پر میڈیا سے بات چیت میں چوہدری ذکاء اشرف نے کہا کہ زندہ دلان لاہور نے فائنل میچ کے موقع پر قذافی اسٹیڈیم کی رونقیں بڑھا کر ثابت کر دیا کہ پاکستان کر کٹ کے لیے محفوظ ملک ہے.




عوام نے دنیا کو پیغام دیا ہے کہ وہ پاکستان آکر کھیلیں۔ ذکااشرف نے کہا کہ ہم دنیا بھر کے بورڈز کے ساتھ رابطے میں ہیں اور امید ہے کہ جلد ہی پاکستان میں بین الاقوامی کر کٹ بحال ہو گی، انھوں نے کہا کہ کرکٹ محبت، دوستی اور امن کا پیغام ہے۔