پریمیئر فٹبال پی ایم سی ایتھلیٹکو نے ووہیب کلب کو ہرادیا

میچ کے بہترین اسکورر کا انعام اسٹرائیکر محمد یاسر اور بہترین کھلاڑی کا ایوارڈ ووہیب ایف سی کے ڈیفینڈر محمد سہیل کو دیا گیا۔ فوٹو: فائل

---

پاکستان پریمیئرفٹبال لیگ میں پی ایم سی ایتھلیٹکو نے ووہیب کلب کو 1-0 سے مات دیدی جبکہ واپڈا کیخلاف مسلم ایف سی کو واک اوور مل گیا۔یو ایم ٹی فٹ بال گراونڈ لاہور میں کھیلے گئے میچ میں میچ کا واحد گول اسٹرائیکر محمد یاسر نے 76 ویں منٹ میں کیا۔

پی ایم سی کے ڈیفینڈرز سفیان آصف اور محمد وقاص کو 75 ویں اور 87 ویں منٹ میں یلو کارڈ کا سامنا کرنا پڑا۔میچ کے بہترین اسکورر کا انعام اسٹرائیکر محمد یاسر اور بہترین کھلاڑی کا ایوارڈ ووہیب ایف سی کے ڈیفینڈر محمد سہیل کو دیا گیا۔ دوسرے میچ میں واپڈا کے گرائونڈ نہ پہنچنے پر مسلم ایف سی کو واک اوور مل گیا۔ ایونٹ میں آج حبیب بنک اور پاکستان ائیر فورس کی ٹیمیں پیپلز فٹ بال اسٹیڈیم کراچی میں مقابل ہونگی۔

جبکہ بلوچ ایف سی اور آرمی کے درمیان میچ گورنمنٹ ہائی سکول گرائونڈ، چمن میں کھیلا جائیگا۔ نویں پاکستان فٹ بال فیڈریشن لیگ میں آج سے گروپ آف فائیو کا آغازہورہا ہے ، پہلے میچ میں پاک اسٹیل اور پاکستان ریلوے کی ٹیمیں مقابل ہونگی۔ دوسرا میچ پاک افغان کلیرنگ ایجنسی اور فیم کلب کے درمیان کھیلا جائیگا۔