پشتو نہیں صرف پنجابی اوراردو فلموں میں کام کروں گی نور

لاہور:
اداکارہ نور بخاری نے کہا ہے کہ وہ صرف پنجابی اور اردو فلموں میں اداکاری کریں گی پشتوفلموں میں اداکاری کرنے کے بارے میں سوچا نہیں اور نہ ہی میر اکوئی ارادہ ہے۔


ایک انٹرویو میں گفتگو کرتے ہوئے ان کا کہنا تھا کہ پشتو فلمیں ہماری اپنی ہیں اور یہ کامیاب بھی ہورہی ہیں مگر میرا مزاج پشتو فلموں والا نہیں اگر پشتو فلموں میں اداکاری کرنی ہوتی تو بہت پہلے کرچکی ہوتی انھوں نے کہا کہ رواں سال میری فلم عشق پازیٹو کامیاب ثابت ہوئی جس سے میرے حوصلے مزید بلند ہوگئے ہیں اور بہت جلد نئے پروجیکٹ شروع کرونگی جن پر پیپر ورک بھی شروع کردیا گیا ہے۔