بھارتی سازشیں ناکام پاک روس تاریخی جنگی مشقوں کا آغاز

مشقوں میں دونوں ملکوں کے دو سو اہلکار حصہ لیں رہے ہیں، آئی ایس پی آر

---

پاکستان کو دنیا میں تنہا کرنے کی بھارتی سازشیں ایک بار پھر ناکام ہوگئیں اور بھارت کے تمام تر منفی پراپیگنڈہ کے باوجود روس اور پاکستان کے درمیان تاریخی جنگی مشقوں کا آغاز ہو گیا ہے۔

پاکستان کو سفارتی سطح پر تنہا کرنے کے دعوے کرنے والے بھارتی میڈیا کو سانپ سونگھ گیا ہے اور بھارت کی تمام سرتوڑ کوششوں کے باوجود روس کا فوجی دستہ جنگی مشقوں کے لئے پاکستان پہنچ چکا ہے، دونوں ممالک کے درمیان تاریخی جنگی مشقیں شروع ہو چکی ہیں۔

اڑی حملے کے بعد بھارتی میڈیا نے بڑا واویلا مچایا کہ بھارت کے دباؤ پر روس نے پاکستان کے ساتھ ہونے والی مشترکہ جنگی مشقیں منسوخ کردی ہیں لیکن روسی فوجی دستے نے جنگی مشقوں کے لئے پاکستان آ کر بھارت کا جھوٹ اسی کے منہ پر دے مارا۔

A contingent of Russian ground forces arrived Pak for 1st ever Pak- Russian joint exercise (2 weeks) from 24 Sep to 10 Oct 2016 pic.twitter.com/eWzQMlENL6

— Gen(R) Asim Saleem Bajwa (@AsimBajwaISPR) September 23, 2016

آئی ایس پی آر کے مطابق روس کی اسپیشل فورسز کا دستہ تاریخ میں پہلی بار جنگی مشقوں کے لیے پاکستان پہنچا ہے، 24 ستمبر سے 10 اکتوبر تک جاری رہنے والی ان مشقوں کو 'دورزبہ' یعنی دوستی مشقوں کا نام دیا گیا ہے جب کہ ان مشقوں میں دونوں ملکوں کے 200 اہلکار حصہ لے رہے ہیں۔