دانش کنیریا کی قسمت کا فیصلہ آج لندن میں ہوگا

کاؤنٹی کرکٹ میں اسپاٹ فکسنگ کے الزام پر دانش کنیریا پر تاحیات پابندی اور ایک لاکھ پاؤنڈ کا جرمانہ عائد ہے۔ فوٹو : فائل

---

اسپاٹ فکسنگ کیس میں تاحیات پابندی کا سامنا کرنے والے لیگ اسپنر دانش کنیریا کی قسمت کا فیصلہ پیر کو لندن میں ہوگا۔

لیگ اسپنر دانش کنریا ای سی بی کی جانب سے لگائی جانے والی تاحیات پابندی کے خلاف دائر درخواست کی سماعت کیلیے لندن پہنچ گئے۔ لیگ اسپنر دانش کنیریا کے کیس کی سماعت 10 دسمبر سے شروع ہوگی۔

انگلینڈ اینڈ ویلز کرکٹ بورڈ نے کاؤنٹی کرکٹ میں اسپاٹ فکسنگ کے الزام پر دانش کنیریا پر تاحیات پابندی اور ایک لاکھ پاؤنڈ کا جرمانہ عائد کیا جس کے خلاف دانش کنیریا نے اپیل دائر کی تھی۔ اپیل کی سماعت ایک رکنی پینل کرے گا جس میں دانش کنیریا اپنے وکیل کے ہمراہ پیش ہوں گے۔