اسد رضا نے نئی تاریخ رقم کردی ایک اننگز میں 10 شکار

پہلے اوور میں ہیٹ ٹرک کا کارنامہ، حیدرآبادکیخلاف پیسر کی میچ میں 14وکٹیں

Sports Reporter September 26, 2016

پہلے اوور میں ہیٹ ٹرک کا کارنامہ، حیدرآبادکیخلاف پیسر کی میچ میں 14وکٹیں ۔ فوٹو : ا ے پی پی

نوجوان بولر اسد رضا نے ڈومیسٹک کرکٹ کی ایک اننگز میں 10 وکٹیں لے کر نئی تاریخ رقم کردی۔

تفصیلات کے مطابق پی سی بی کے زیراہتمام انٹرریجن انڈر 19تین روزہ میچز کے ٹورنامنٹ میں نیازاسٹیڈیم میں کھیلے جانے والے میچ میں میزبان ٹیم نے ٹاس جیت کر پہلے بولنگ کا فیصلہ کیا، فیصل آباد نے عبدالصمد اور محمد شاہدکی سنچریزکی بدولت 346 کا مجموعہ حاصل کیا،حیدرآبادکی جوابی اننگزمیں اسدرضا نے ابتدا میں ہی تباہی پھیلاتے ہوئے پہلے اوور میں ہیٹ ٹرک مکمل کرلی۔

اس کے بعد بھی دائیں ہاتھ کے میڈیم فاسٹ بولر نے کسی اورکوشکارکرنے کا موقع نہ دیتے ہوئے تمام وکٹوں پر ہاتھ صاف کیا، انھوں نے 10وکٹیں حاصل کرتے ہوئے میزبان ٹیم کو 81پر ڈھیر کردیا۔ فالوآن کے بعد حیدرآباد کی دوسری اننگز میں بھی اسد رضا نے 4پلیئرز کو پویلین کی راہ دکھائی،یوں پیسر نے میچ میں عوض 14شکار کیے، حیدرآباد کی ٹیم 156تک محدود رہی، فیصل آباد نے اننگز اور 109رنز سے فتح سمیٹی۔