سابق صدر پرویز مشرف کے اپنی بیگم کے ساتھ رقص کی وڈیو سوشل میڈیا پر وائرل ہو گئی۔

کمر کی تکلیف کے لیے بیرون ملک مقیم سابق صدر براؤن کلر کی قمیض اور سفید شلوار کے ساتھ گلے میں دوپٹہ ڈالے ایک نجی تقریب میں اپنی اہلیہ کے ساتھ جھومتے پائے گئے۔ 73 سالہ پرویز مشرف نے مشہور گیت ''شکر ونڈا ں رے'' پر رقص کیا۔ اس پر عوام نے ملے جلے ردعمل کا اظہار کیا ہے، پرویز مشرف کے حامیوں کی جانب سے ان کیلیے نیک خواہشات کا اظہار کرتے ہوئے کہا گیا کہ آپ صدا سلامت اور صحت مند رہیں جب کہ چند ایک کا کہنا ہے کہ پرویز مشرف کمر درد کے علاج کا نیا طریقہ سکھا رہے ہیں۔