کراچی کے علاقے کھارادر میں دستی بم حملہ 4 افراد زخمی

موٹر سائیکل پر سوار نامعلوم ملزمان نے مہران بیکری کےقریب دستی بم حملہ کیا، ذرائع، فوٹو؛ فائل

---

کھارادر میں نامعلوم ملزمان کی جانب سے دستی بم حملے میں 4 افراد زخمی ہوگئے۔

ایکسپریس نیوز کے مطابق کراچی کے علاقے کھارادر میں نامعلوم ملزمان نے دستی بم حملہ کیا اور فرار ہوگئے جب کہ واقعہ کے نتیجے میں 4 افراد زخمی ہوگئے۔ پولیس ذرائع کے مطابق دستی بم حملہ کھارادر میں واقع مہران بیکری کےقریب کیا گیا جس میں زخمی ہونے والے افراد کو فوری طبی امداد کے لیے اسپتال منتقل کردیا گیا۔

پولیس کا کہنا ہےکہ دستی بم حملہ بھتے کے معاملے کی کارروائی لگتی ہے تاہم واقعہ کی تحقیقات شروع کردی گئی ہیں اور ملزمان کی گرفتاری کے لیے بھی کارروائی کی جارہی ہے۔