اسٹیل ٹائونٹریفک حادثے میں موٹر سائیکل سوار ہلاک

پولیس کے مطابق حادثے کا ذمے دار ڈرائیور گاڑی سمیت فرار ہونے میں کامیاب ہوگیا. فوٹو: فائل

---

اسٹیل ٹائون میں ٹریفک حادثے میں موٹر سائیکل سوار ہلاک ہوگیا جبکہ جیل چورنگی فلائی اوور کے قریب حادثے میں نوجوان کے زخمی ہونے کے بعد نامعلوم افراد نے بس نذر آتش کردی۔

تفصیلات کے مطابق گلشن حدید کے علاقے اسٹیل ٹائون میں تیز رفتار گاڑی کی ٹکر سے موٹر سائیکل سوار مشتاق ولد شفیق ہلاک ہوگیا، پولیس کے مطابق حادثے کا ذمے دار ڈرائیور گاڑی سمیت فرار ہونے میں کامیاب ہوگیا ، متوفی مشتاق مقامی فیکٹری کا ملازم تھا، علاوہ ازیں جیل چورنگی فلائی اوور کے قریب تیز رفتار بس کی ٹکر سے موٹر سائیکل سوار نوجوان ارشد زخمی ہوگیا ، حادثہ دیکھ کر موقع پر موجود افراد مشعل ہوگئے اور بس کو نذر آتش کردیا، ایس ایچ او نیو ٹائون انعام جونیجو کے مطابق زخمی نوجوان بے ہوش ہوگیا تھا جسے مردہ سمجھ کر شہری مشتعل ہوگئے اور انھوں نے بس کو آگ لگادی ، حادثے کا ذمے دار ڈرائیور موقع سے فرار ہوگیا۔