ایشین بیچ گیمز پاکستانی ریسلرمحمد انعام بٹ نے  گولڈ میڈل جیت لیا

پاکستانی ریسلر محمد انعام بٹ نے ایرانی پہلوان کو0-3 سے شکست دی، فوٹو : فائل

---

ایشین بیچ گیمز میں پاکستانی ریسلر محمد انعام بٹ نے 90 کلوگرام کیٹگری بیچ ریسلنگ میں گولڈ میڈل جیت لیا۔

ویتنام میں جاری ایشین بیچ گیمز میں پاکستانی ریسلر محمد انعام بٹ نے 90 کلوگرام کیٹگری میں ایرانی پہلوان کو شکست دیکر گولڈ میڈل جیتا، ریسلر محمد انعام بٹ نے ایرانی پہلوان کو0-3 سے شکست دی جس کے بعد پاکستان کے پاس ایشین بیچ گیمز میں گولڈ میڈل کی تعداد 10 ہوگئی ہے۔

اس خبر کو بھی پڑھیں : پاکستان نے بھارت کوشکست دیکر ایشین بیچ کبڈی چیمپئن کا ٹائٹل اپنے نام کرلیا

واضح رہے کہ اس سے قبل پاکستانی پہلوان نذیر نے سلور میڈل حاصل کیا تھا جب کہ ایشین کبڈی چیمپئن شپ میں پاکستان نے بھارت کو فائنل میں شکست دے کر سونے کا تمغہ اپنے نام کیا تھا۔