کرینہ کپور کا انکم ٹیکس اکاؤنٹ اور پاس ورڈ ہیک

کرینہ کپور کے ماں بننے کا وقت قریب آرہا ہے لیکن وہ روایتی طور پر آرام کے بجائے مسلسل فلمی اور غیر فلمی سرگرمیوں میں مشغول ہیں تاہم چند روز قبل انہیں ایک ایسی پریشانی کا سامنا کرنا پڑا جس کی وجہ سے وہ پولیس سے رابطے پر مجبور ہوگئیں۔

بھارتی میڈیا کے مطابق کرینہ کپور نے ممبئی کے بی کے سی پولیس اسٹیشن میں سی اے پرکاش ٹھکر نامی شخص کی وساطت سے رپورٹ درج کرائی ہے، جس میں کہا گیا ہے کہ کسی نے ان کے پرمیننٹ اکاؤنٹ نمبر اور اس کے پاس ورڈ کو استعمال کرتے ہوئے جعلی انکم ٹیکس گوشوارے جمع کرائے ہیں۔


رپورٹ میں کہا گیا ہے کہ پولیس ملک کے قانون کے مطابق ان کا پی اے این اکاؤنٹ ہیک کرنے اور اس کا پاس ورڈ چرانے میں ملوث افراد کے خلاف قانونی کارروائی کرے۔