آرمی چیف کا اسٹرائیک کور منگلا کا دورہ آپریشنل تیاریوں کا جائزہ لیا

آرمی چیف جنرل راحیل شریف کو اسٹرائیک کور کمانڈر نے آپریشنل تیاریوں پر بریفنگ دی۔ ترجمان پاک فوج

ویب ڈیسک October 03, 2016

آرمی چیف جنرل راحیل شریف کو اسٹرائیک کور کمانڈر نے آپریشنل تیاریوں پر بریفنگ دی۔ ترجمان پاک فوج، فوٹو؛ فائل

آرمی چیف جنرل راحیل شریف نے اسٹرائیک کور منگلا کا دورہ کرکے آپریشنل تیاریوں کا جائزہ لیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے اسٹرائیک کور منگلا کا دورہ کیا جہاں انہوں نے آپریشنل تیاریوں کا جائزہ لیا۔ آرمی چیف کو اس دوران اسٹرائیک کور کمانڈر نے آپریشنل تیاریوں پر بریفنگ دی جب کہ اس موقع پر کور کمانڈر پشاور، کور کمانڈر لاہور، کورکمانڈر گوجرانوالہ اور ڈی جی ملٹری آپریشن بھی شریک تھے۔

دوسری جانب دفاعی تجزیہ کاروں نے آرمی چیف کے دورہ منگلا کور کو انتہائی اہم قرار دیتے ہوئے کہا ہےکہ ایسے موقع پر آرمی چیف کا منگلا اسٹرائیک کور کا دورہ دشمن کو ہر طرح کی صورتحال سے نمٹنے کے لیے تیار ہونے کا پیغام دینا ہے۔ دفاعی تجزیہ کاروں کے مطابق منگلا اسٹرائیک کور پاک فوج کی سب سے اہم اور بڑی کور ہے جس کا کام دشمن کو علاقے میں گھس کر مارنا اور دشمن کے لیے اسٹریٹیجک اہمیت رکھنے والے علاقوں پر قبضہ کرنا ہے۔