مسلم لیگ ق نےخواجہ سراؤں کو اسمبلی رکنیت دینے سے متعلق قرارداد جمع کرادی

قرارداد میں کہا گیا کہ خواجہ سراؤں کو معاشرے کا ایک طبقہ سمجھتے ہوئے سیاسی اورآئینی کردار ادا کرنے کا موقع دیا جانا چاہیے۔ فوٹو: اے ایف پی/ فائل

---

مسلم لیگ(ق) نے خواجہ سراؤں کو اسمبلی کی رکنیت دینے سے متعلق قرارداد پنجاب اسمبلی سیکریٹریٹ میں جمع کرادی۔

قرارداد مسلم لیگ (ق) کی رکن پنجاب اسمبلی آمنہ الفت نےجمع کرائی جس میں مؤقف اختیار کیا گیا کہ سپریم کورٹ نے خواجہ سراؤں کے حقوق سے متعلق کیس کی سماعت کرکے انہیں معاشرے کا حصہ ہونے کا احساس اور خود اعتمادی کا احساس بخشا ہے۔

سپریم کورٹ کے اس فیصلے کے بعد خواجہ سراؤں کو حقوق مانگنے کا حوصلہ ملا، قرارداد میں کہا گیا کہ خواجہ سراؤں کو معاشرے کا ایک طبقہ سمجھتے ہوئے سیاسی اورآئینی کردار ادا کرنے کا موقع دیا جانا چاہیے۔