پاکستان نے آئی سی سی رینکنگ میں آٹھویں پوزیشن پر قبضہ کرلیا

گرین شرٹس کی ویسٹ انڈیز کے خلاف سیریز میں 0-3 سے جیت کے بعد 89 پوائنٹس ہیں۔

ویب ڈیسک October 06, 2016

گرین شرٹس کی ویسٹ انڈیز کے خلاف سیریز میں 0-3 سے جیت کے بعد 89 پوائنٹس ہیں۔ فوٹو:اے ایف پی

پاکستان کرکٹ ٹیم ویسٹ انڈیز کے خلاف سیریز میں کلین سوئپ کرنے کے بعد آئی سی سی کی ایک روزہ میچز کی رینکنگ میں ایک درجہ ترقی پا کر آٹھویں پوزیشن پر آگئی۔

انٹر نیشنل کرکٹ کونسل ( آئی سی سی ) نے ایک روزہ میچز میں ٹیموں کی نئی رینکنگ جاری کردی ہے جس کے مطابق پاکستان کرکٹ ٹیم ویسٹ انڈیز کو ون ڈے سیریز میں کلین سوئپ کرکے نویں پوزیشن سے آٹھویں پر آگئی ہے جس کے بعد گرین شرٹس کے سر پر سے ورلڈ کپ کے لئے کوالیفائنگ میچز کھیلنے کی لٹکتی تلوار ہٹ گئی۔ گرین شرٹس کی ویسٹ انڈیز کے خلاف سیریز میں 0-3 سے جیت کے بعد 89 پوائنٹس ہیں۔

ویسٹ انڈیز پاکستان کے خلاف تین میچز کی سیریز میں شکست پر ایک درجہ تنزلی کے بعد نویں پوزیشن پر آگئی ہے جب کہ آسٹریلیا 121 پوائنٹس کے ساتھ پہلے، نیوزی لینڈ اور جنوبی افریقہ 113 پوائنٹس کے بالترتیب دوسری اور تیسری پوزیشن پر براجمان ہیں۔