انگلش ون ڈے کپتان جوز بٹلر گزشتہ دنوں شیر بنگلہ اسٹیڈیم میں ہونے والی سیکیورٹی مشقیں دیکھ کر دنگ رہ گئے، چھاتہ برداروں کو گراؤنڈ میں اتارا گیا، جنہوں نے فرضی مہمان کرکٹرز کو گراؤنڈ سے بچا کر باہر لے جانے کا عملی مظاہرہ کیا۔

بٹلر نے اس پر کہا کہ میں نے ہوٹل واپس جا کر ان مشقوں کی خبر دیکھی جو ہماری آنکھیں کھول دینے کیلیے کافی تھی، ہم کبھی نہیں چاہیں گے کہ حقیقت میں ایسا کچھ ہو، یہ سب کچھ ہمارے لیے حیران کن تھا لیکن یہاں سیکیورٹی صورتحال کی وجہ سے ایسا کرنا پڑا۔