پاکستان انفراسٹرکچر ڈویلپمنٹ کیلئے جنوبی ایشیا کا پرکشش ترین ملک قرار

بین الاقوامی ادارے کی جانب سے ایوارڈ انفراسٹرکچر ڈیولپمنٹ ، توانائی اور ٹرانسپورٹ منصوبوں میں سرمایہ کاری پر دیا گیا،فوٹو:فائل

---

بین الاقوامی ادارے ''ایمرجنگ مارکیٹس'' نے پاکستان کو جنوبی ایشیا کا بہترین انفراسٹرکچرڈویلپمنٹ ملک قرار دے دیا۔

ایکسپریس نیوز کے مطابق ورلڈ بینک اور بین الاقامی مالیاتی فنڈ کے تحقیقی اور اشاعتی ادارے ''ایمرجنگ مارکیٹس'' نے پاکستان کو جنوبی ایشیا کا بہترین انفراسٹرکچر ڈویلپمنٹ ملک قرار دیا ہے جب کہ ایمرجنگ مارکیٹ ایوارڈ دینے کی تقریب واشنگٹن میں منعقد ہوئی جہاں وفاقی وزیر منصوبہ بندی و ترقی احسن اقبال نے ایوارڈ وصول کیا۔

بین الاقوامی ادارے کی جانب سے ایوارڈ انفراسٹرکچر ڈیولپمنٹ ، توانائی اور ٹرانسپورٹ منصوبوں میں سرمایہ کاری پر دیا گیا جب کہ گزشتہ روز اسی ادارے کی جانب سے وفاقی وزیر خزانہ اسحاق ڈار کو بھی 2016 کا جنوبی ایشیا کا بہترین وزیر خزانہ قرار دیا تھا۔