شاہد آفریدی کی ڈیمانڈ اب ختم ہوچکی ہے جاوید میانداد

سابق کپتان جاوید میانداد کا کہنا ہے کہ بڑا کرکٹر وہ ہوتا ہے جو صحیح وقت پر کرکٹ چھوڑدے جب کہ شاہد آفریدی کی ڈیمانڈ اب ختم ہوچکی ہے۔

شاہد آفریدی کی جانب سے لگائے گئے الزام پر سابق کپتان جاوید میانداد کا کہنا تھا کہ شاہد آفریدی اپنا وقت بھول گئے یہ وہ بندہ ہے جس کی ٹیسٹ کرکٹ میں میں نے سنچری کروائی تاہم عزت ایسے نہیں ملتی، عزت دینے والا اللہ ہے جب کہ پوری دنیا میرے اور عمران خان کے بارے میں جانتی ہے، ان کے بیان کا پی سی بی نوٹس لے نہ لے عوام ضرور لیں گے۔ ان کاکہنا تھا کہ شاہد آفریدی کی ڈیمانڈ اب ختم ہوچکی ہے،آفریدی ایسا کھلاڑی ہے کہ پتا نہیں ہوتا اسکور کرے گا بھی یا نہیں جب کہ بڑا کرکٹر وہ ہوتا ہے جو صحیح وقت پر کرکٹ چھوڑدے۔


اس خبر کو بھی پڑھیں : جاویدمیانداد کو ہمیشہ پیسوں کا مسئلہ رہا، آفریدی

واضح رہے کہ سابق ٹی ٹوینٹی کپتان شاہد آفریدی کا ایک بیان میں کہنا تھا کہ جاوید میانداد کو ہمیشہ پیسوں کا مسئلہ رہا اوریہی فرق ہے عمران خان اورجاوید میانداد میں۔