ورن دھون کے کار حادثے میں زخمی ہونے کی افواہ اداکار کو میدان میں آنا پڑ گیا

اداکار کی کار حادثے کا شکار ہوئی لیکن اس وقت وہ گاڑی میں موجود نہیں تھے۔

ویب ڈیسک October 09, 2016

اداکار کی کار حادثے کا شکار ہوئی لیکن اس وقت وہ گاڑی میں موجود نہیں تھے۔ فوٹو:فائل

بالی ووڈ کے نوجوان اداکار ورن دھون کے مداحوں نے ان کے کار حادثے میں زخمی ہونے کی افواہ ٹوئٹر پر پھیلا دی جس کے بعد ان کی صحت کے لئے دعاؤں کے پیغامات آنے لگے تاہم جب اداکار کو اس حوالے سے معلوم ہوا تو انہوں نے اپنے زخمی ہونے کی تردید کردی۔

بالی ووڈ اسٹار ورن دھون کے مداح نے ٹوئٹ کیا کہ اداکار کار حادثے میں زخمی ہوچکے ہیں جن کی کار کو ممبئی کے جوہو 10 روڈ پر حادثہ ہوا تاہم جب اپنے زخمی ہونے کی افواہ سے متعلق اداکارہ کو معلوم ہوا تو انہوں نے اس کا جواب ٹوئٹر پر دیا۔

سماجی رابطے کی ویب سائٹ ٹوئٹر پر حادثے کی تصدیق کرتے ہوئے ورن دھون نے کہا کہ میری کار حادثے کا شکار ہوئی لیکن میں گاڑی میں موجود نہیں تھا تاہم حادثے کے نتیجے میں گاڑی کو نقصان پہنچا لیکن اہلخانہ بخیریت ہیں۔