سلطان لاکھانی کی والدہ کے انتقال پر اخبار مارکیٹ میں تعزیتی اجلاس

روزنامہ ایکسپریس کے ایڈیٹر انچیف سلطان علی لاکھانی کی والدہ کے انتقال پر مرکزی انجمن اخبار فروشاں کراچی کا اخبار مارکیٹ میں تعزیتی اجلاس ہوا۔

جس کی زیر صدارت محمد اقبال نون نے کی، اجلاس میں جنرل سیکریٹری عبدالحمید ڈاڈا، نائب صدر فیڈریشن سندھ عبدالستار کارساز، سینئر نائب صدر چوہدری نذیر، مرکزی عہدیداران شفیق بھائی، اقبال وہاب،مشتاق میمن، اقبال رفیق، ناصر نثار، ممبر فیڈریشن شیخ محمود ، سلیم اللہ اشرفی و دیگر اخبار فروشوں نے شرکت کی۔




اجلاس میں سلطان علی لاکھانی کی والدہ کے انتقال پر گہرے رنج و غم کا اظہار کیا گیا اور مرحومہ کیلیے دعائے مغفرت اور لواحقین کیلیے صبر جمیل کی دعا کی گئی۔