بھارت کاپاکستان سے حافظ سعید کی حوالگی کاپھرمطالبہ

پاکستانی وزیر داخلہ کے دورۂ بھارت کے موقع پر آزادانہ ویزا کے معاہدے پر عمل درآمد کو بھی یقینی بنائینگے۔فوٹو: فائل

---

بھارت نے ایک بار پھر پاکستان سے جماعت الدعوۃ کے سربراہ حافظ سعید کی حوالگی کا مطالبہ کرتے ہوئے کہا ہے کہ رحمن ملک کے دورۂ بھارت کے موقع پر اس بات پر اصرار کریں گے کہ حافظ سعید کو بھارت کے حوالے کیا جائے۔

نئی دہلی میں بھارتی وزیر داخلہ سشیل کمار شنڈے نے میڈیا سے گفتگو کرتے ہوئے کہا کہ وزیر داخلہ رحمان ملک 14 سے 16 دسمبر تک بھارت کا دورہ کریں گے۔ انھوں نے کہا کہ پاکستانی ہم منصب سے حافظ سعید کی حوالگی کے ساتھ، ممبئی حملوں میں ملوث رہنے والوں کی آواز کے نمونے حاصل کرنے پر زور دیں گے۔ انھوں نے مزید کہا کہ پاکستانی وزیر داخلہ کے دورۂ بھارت کے موقع پر آزادانہ ویزا کے معاہدے پر عمل درآمد کو بھی یقینی بنائینگے۔