جاوید میانداد اور شاہد آفریدی کے درمیان جلد معاملہ حل ہونا چاہیےوسیم اکرم

معاملے کو مزید نہیں بگاڑنا چاہیے اور مل جل کر معاملہ حل کرنا چاہیے، وسیم اکرم فوٹو: فائل

---

RAWALPINDI: قومی کرکٹ ٹیم کے سابق کپتان وسیم اکرم نے کہا ہے کہ جاوید میانداد اور شاہد آفریدی کے درمیان معاملہ جلد سے جلد ثالثی سے حل ہونا چاہیے۔

وسیم اکرم نے شاہد آفریدی اور جاوید میانداد کے درمیان جاری لفظی جنگ پر ٹوئٹر پر اظہار خیال کرتے ہوئے کہا ہے کہ جاوید میانداد اور شاہد آفریدی دونوں پاکستان کے لئے بہت اہمیت رکھتے ہیں، دو معزز کھلاڑیوں کے درمیان ایک دوسرے پر پتھر پھینکنے کا سلسلہ جاری ہے جبکہ اس صورت میں فوری طور پر صلح صفائی کی ضرورت ہے۔

The stones being thrown between 2 very respected cricketers calls for quick resolve by appropriate mediation instead of this unwanted chaos

— Wasim Akram (@wasimakramlive) October 11, 2016

اس خبر کو بھی پڑھیں : لالہ کی جاوید میانداد سے معذرت


لیجنڈ کرکٹر کا کہنا تھا کہ معاملے کو مزید نہیں بگاڑنا چاہیے اور مل جل کر معاملہ حل کرنا چاہیے۔ ان دونوں کے درمیان جو بھی ہو رہا ہے حقیقتا افسوسناک ہے انشاء اللہ یہ جلد ہی ختم ہو جائے گا۔

اس خبر کو بھی پڑھیں : میانداد کے خلاف آفریدی عدالت جائیں گے

Javed Bhai & Shahid mean a lot to me & to Pakistan. It's really sad to see what's happening between them. InshAllah it will be over soon

— Wasim Akram (@wasimakramlive) October 11, 2016

اس خبر کو بھی پڑھیں : آفریدی کی ڈیمانڈ ختم

واضح رہے کہ روزنامہ ایکسپریس کے اسپورٹس ایڈیٹر سلیم خالق کی کتاب "کرکٹ کارنر" کی تقریب رونمائی کے دوران میڈیا کے نمائندوں سے بات کرتے ہوئے شاہد آفریدی نے لیجنڈری کرکٹر جاوید میانداد کو تنقید کا نشانہ بنایاتھا جس کے بعد دونوں کے درمیان لفظی جنگ شروع ہوگئی تھی۔