صدرآصف زرداری نے کہا ہے کہ پرامن اورمستحکم افغانستان پاکستان کے مفاد میں ہے۔
سہ فریقی کانفرنس میں شرکت کے لیے صدرآصف زرداری انقرہ پہنچ گئے جہاں کانفرنس سے قبل صدر آصف زرداری اور ترک وزیراعظم طیب اردوان کے درمیان ملاقات ہوئی۔ ملاقات کے دوران دوطرفہ تعلقات اور باہمی دلچسپی کے امور پر بات چیت کی گئی۔ اس موقع پر اقتصادی تعاون کے فروغ کیلئے دونوں ممالک کے نجی شعبوں کے درمیان شراکت داری کا جائزہ لیا گیا۔
صدر آصف زرداری نے ترک وزیراعظم سے ملاقات کے بعد ترکی کے صدر عبداللہ گل سے بھی ملاقات کی،اس موقع پر صدرآصف زرداری کا کہنا تھا کہ پُرامن اور مستحکم افغانستان، پاکستان کے مفاد میں ہے۔