اسلام آباد میں گھرسے ہسپانوی سفارتکارکی لاش برآمد

جان جینز گزشتہ 34 سال سے پاکستان میں تعینات تھا اور اس نے دو شادیاں کر رکھی تھیں۔ فوٹو: فائل

---

ایف سیون ٹو میں رہائش پزیر اسپین کے سفارتکار گھر میں مردہ حالت میں پائے گئے۔

ایکسپریس نیوز کے مطابق اسلام آباد کے علاقے ایف سیون ٹو میں تعینات اسپین کے سفارتکار جان جینز اپنے گھر میں مردہ حالت میں پائے گئے۔ پولیس ذرائع کا کہنا ہے کہ اسپینش سفارتکار کی لاش کے قریب سے 38 بور کا پستول بھی برآمد ہوا اور ابتدائی طور پر واقعہ خود کشی معلوم ہوتا ہے تاہم واقعہ کا ہر پہلو سے جائزہ لے رہے ہیں۔ پولیس حکام کا کہنا ہے کہ اسپین کے سفارتخانے کو بھی واقعہ سے آگاہ کر دیا گیا ہے۔

پاکستان میں تعینات اسپین کے سفارتی ذرائع کا کہنا ہے کہ 60 سالہ جینز گزشتہ 34 سال سے پاکستان میں تعینات تھا اور اس نے دو شادیاں کر رکھی تھیں، جینز طویل عرصے سے سانس کی بیماری میں مبتلا تھے اور اپنی رہائشگاہ پر اکیلا ہی رہتا تھا۔