ورلڈ کپ کبڈی کے سیمی فائنل میں پاکستان نے کینیڈا کو شکست دے کر فائنل کے لئے کوالیفائی کرلیا۔

بھارتی ریاست پنجاب کے شہر بھٹنڈا میں ہونے والے اس مقابلے میں پاکستانی ٹیم نے کینیڈا کو 27کے مقابلے میں 53پوائنٹس سے شکست دے کر فائنل میں جگہ بنالی جہاں اس کا مقابلہ روایتی حریف بھارت سے ہفتہ کو ہوگا۔

واضح رہے کہ ایونٹ کی مجموعی انعامی رقم 4کروڑ54لاکھ روپے ہے،کبڈی ورلڈکپ کا فائنل لدھیانہ میں کھیلا جائے گا اورجیتنے والی ٹیم کو 2کروڑروپے دیئے جائیں گے،وزیراعلیٰ پنجا ب شہبازشریف اختتامی تقریب کے مہمان خصوصی ہوں گے۔