نئے سال میں صحت اور فٹنس سے متعلق ڈی وی ڈی لانچ کروں گی بپاشا باسو

اداکارہ بپاشا باسو نے کہا کہ اپنی ڈی وی ڈی کے ذریعے وہ لوگوں کو صحت اور فٹنس سے متعلق ہدایات دیں گی۔ فوٹو: اے ایف پی/ فائل

---

اداکارہ بپاشا باسو نے کہا ہے کہ وہ نئے سال کے موقع پر لوگوں سے کہنا چاہیں گی کہ وہ پورے سال اپنی صحت اور فٹنس کا خیال رکھیں۔

بپاشا باسو نے کہا کہ میری کوشش ہو گی کہ لوگ اپنی صحت اور فٹنس کا خیال رکھیں اور اس سلسلے میں وہ ایک ڈی وی ڈی بھی لانچ کر رہی ہیں۔ اداکارہ نے کہا کہ اپنی ڈی وی ڈی کے ذریعے وہ لوگوں کو صحت اور فٹنس سے متعلق ہدایات دیں گی جس سے انہیں فٹ رہنے میں مدد ملے گی۔

بپاشا نے کہا کہ آج کل لوگ مختلف بیماریوں میں مبتلا ہو رہے ہیں اور کئی افراد جوانی میں ہی کسی مرض کا شکار ہو کر اپنی جان کھو بیٹھتے ہیں ، مختلف امراض سے بچنے کے لئے صحت کا خیال رکھنا بے حد ضروری ہو گیا ہے۔