منی لانڈرنگ الزامات امریکا نے 4 پاکستانی اور انکی کمپنیوں کو بلیک لسٹ کردیا

یہ کمپنیاں پاکستان اور متحدہ عرب امارات میں قائم ہیں اور ان پر منشیات فروشوں کی منی لانڈرنگ کے الزامات ہیں۔ فوٹو: فائل

---

امریکا نے منی لانڈرنگ کے الزامات پر 4 پاکستانی شہریوں اور ان کی کمپنیوں کو بلیک لسٹ کر دیا، غیر ملکی میڈیا کے مطابق امریکی محکمہ خزانہ نے عبید خانانی، حذیفہ خانانی، جاوید خانانی اور عاطف پولانی کو بلیک لسٹ کرتے ہوئے ان چاروں افراد کی کمپنیاں بھی بلیک لسٹ کر دی ہیں۔

یہ کمپنیاں پاکستان اور متحدہ عرب امارات میں قائم ہیں اور ان پر منشیات فروشوں کی منی لانڈرنگ کے الزامات ہیں، امریکی محکمہ خزانہ کے مطابق ان چاروں افراد کی کمپنیاں چینی، کولمبین اور میکسیکو کے جرائم پیشہ افراد کی منی لانڈرنگ کرتی تھیں۔