کراچی کے علاقے گڈاپ میں رینجرز سے مقابلے میں 4 دہشت گرد ہلاک

گڈاپ میں رینجرز نے کارروائی کر کے کالعدم تنظیم کے 4 دہشت گردوں کو ہلاک کردیا۔

ترجمان سندھ رینجرز کے مطابق رات گئے کراچی کے علاقے گڈاپ میں ملزمان کی موجودگی کی اطلاع پر کارروائی کی تو کالعدم تنظیم کے دہشتگردوں نے رینجرز کو دیکھتے ہی فائرنگ شروع کر دی اور فرار ہونے کی کوشش کی۔ رینجرز نے تعاقب کیا اور فائرنگ کے تبادلے میں 4 دہشت گرد ہلاک ہو گئے۔


اس خبر کو بھی پڑھیں: کراچی کے مختلف علاقوں میں کارروائیاں، 6 ملزمان گرفتار

ترجمان رینجرز کا کہنا تھا کہ ہلاک ملزمان کے قبضے سے اسلحہ اور گولیاں برآمد کی گئیں جب کہ ملزمان کی لاشیں اور اسلحہ قانونی کارروائی کے بعد پولیس کے حوالے کر دیا گیا ہے۔