فلم’’دبنگ ٹو‘‘ ریلیز کیلئے تیار عمدہ پرفارمنس سے شائقین کے دل جیت لوں گی سوناکشی سنہا
اپنے کام کو سلیقے سے عکسبند کروایا ہے اور یقین رکھتی ہوں کہ میری محنتیں رنگ لائیں گی۔
شائقین کی پسند کا احترام کرنا ضروری ہے، سوناکشی سنہا۔ فوٹو : فائل
KARACHI:
بالی وڈ اداکارہ سوناکشی سنہا نے کہا ہے کہ فلم ''دبنگ ٹو '' میں اپنی عمدہ پرفارمنس سے شائقین کے دل جیت لوں گی۔نئی فلم میں کردار کو وسعت دی ہے جس میں اپنی بھرپور صلاحیتوں کے اظہار کا موقع ملا ہے ،اداکارہ کا کہنا ہے کہ رواں ماہ کی 21تاریخ کو سینمائوں کی زینت بننے والی اس فلم میں میرا کردار یاد گار ہوگا ۔
اپنے کام کو سلیقے سے عکسبند کروایا ہے اور یقین رکھتی ہوں کہ میری محنتیں رنگ لائیں گی ۔سوناکشی کے مطابق سلمان خان کی اس فلم میں بزنس کے حوالے سے بھی توقعات پوری ہونگی ۔فلم کی کہانی بھی بڑی دلچسپ ہے اور اس میں تمام فنکاروں نے نہایت عمدہ پرفارم کیا ہے۔ انھوں نے کہا کہ شائقین کی پسند کا احترام کرنا ضروری ہے۔ وزن بڑھنے اور کم ہونے کی باتیں فضول ہوجاتی ہیں ۔اپنی کامیابیوں پر بہت خوش ہوں ،مجھے توقع ہے کہ آنیوالا کل میرے دامن میں مزید کامیابیاں بھرے گا ۔سلمان نے دسمبرمیں ''دبنگ ٹو''کی ریلیز کا منصوبہ بناکر اس کو مزید خوبصورت کردیا ہے۔ انھوں نے کہا کہ قابل اعتراض سین ہی کامیابی سے ہمکنار نہیں کراتے بلکہ معیاری کام ہی امر ہوتا ہے ۔ انھوں نے کہا کہ مداحوں نے مجھ پر تنقید کرنے والوں کے نظریات کو مسترد کر دیا ہے۔ قبل ازیں بالی وڈ اداکارہ سوناکشی سنہا نے کہا ہے کہ فلم ''لٹیرا'' میری مشکل ترین فلم ثابت ہوئی ہے۔
اس میں میری پرفارمنس بھی یاد گار ہوگی۔انھوں نے کہاکہ ہدایت کار وکرم ادتیہ سے بہت کچھ سیکھا ہے مگر ان کے ساتھ کام کرنا آسان نہیں ہے ایسے لگتا ہے کہ جیسے پھر سے میں اسکول میں داخل ہوگئی ہوں ۔سوناکشی نے کہا کہ یکم مارچ کو ریلیز ہونے والی فلم ''لٹیرا''پسند کی جائے گی ۔اس فلم کی کہانی کو عمدگی سے فلمایا گیا ہے ۔رنویر سنگھ نے بہت اچھی پرفارمنس دی ہے ۔امیت کے میوزک نے بھی فلم کو چارچاند لگادیے ہیں۔اداکارہ کا کہنا ہے کہ فلم کی تشہیری مہم کا آغاز بھی ہورہا ہے جس کے لیے تمام انتظامات مکمل ہیں۔ واضح رہے کہ 2جون 1987کو بالی وڈ اسٹار شتروگھن سنہا کے گھر پیدا ہونے والی25سالہ اداکارہ نے کیرئیر کا آغاز ماڈلنگ سے کیا ۔بالی وڈ میں پہلی فلم سلمان خان کے ساتھ ''دبنگ'' تھی جو 2010 میں ریلیز کی گئی۔ 2012میں سوناکشی کی دو فلمیں ''راوڈی راٹھور''اور'' جوکر''تھی ان میں سوناکشی کے مدمقابل اکشے کمار نے مرکزی کردار نبھایا ۔ اب ان کی فلم ''دبنگ ٹو ''ریلیز کے لیے تیار ہے اس فلم میں ان کے کردارپر تبصرہ کرنیوالوں نے اچھی امیدیں وابستہ کررکھی ہیں ۔ دریں اثناء بالی وڈ اداکارہ ملائیکہ اروڑہ خان نے کہا ہے کہ سوناکشی اور سلمان کی فلم ''دبنگ ٹو ''ایک صاف ستھری فلم ہوگی۔ کہانی اور کرداروں کے تال میل سے جڑی ہوئی فلم کو دیکھنے والے خوشی محسوس کریں گے۔ادھر ارباز خان نے بھی فلم کی تعریف کرتے ہوئے کہا ہے کہ سوناکشی کا کردار بھی قابل دید ہوگا،ان کی پرفارمنس یادگار ہوگی ۔ارباز خان نے کہا کہ جب سیٹ پر ہوتے ہیں تو ذہن میں کوئی رشتہ تعلق خاطر میں نہیں لاتے صرف پروفیشنل ہوجاتے ہیں ،فلم ''دبنگ ٹو ''کے سیٹ پر تمام فنکاروں کے ساتھ فیملی کی طرح تعلق بنا ہے اور اس سے کام کرنے میں زیادہ سہولت رہتی ہے،انھوں نے کہا کہ فلم ''دبنگ ٹو ''ایک فیملی فلم ہوگی۔ دبنگ ہیرو سلمان خان ایک بار پھر دبنگ اسٹائل میں سینما گھروں میں واپسی کے لیے تیار ہیں2012کی بلاک بسٹر فلم دبنگ کے سیکوئل ''دبنگ ٹو ''کے نئے رومانٹک سانگ "سانسوں نے"کی وڈیوجاری کردی گئی ہے ۔
سونو نگم اورتلسی کمار کی آوازمیں ریکارڈ کیے گئے اس گانے میں دبنگ سلمان خان چلبل پانڈے اپنی ہیروئن سوناکشی سنہا بیوی رجو پانڈے کے ساتھ رومانٹک لانگ ڈرائیو پر نکلے ہوئے ہیںسلمان کے بھائی ارباز خان کی ہدایتکاری میں بننے والی اس فلم کو ارباز اور ان کی اہلیہ ملائیکہ اروڑا خان نے مشترکہ طور پرپروڈیوس کیا ہے۔پچھلی فلم کی طرح اس فلم میں سلمان کی ہیروئن سوناکشی ہی ہونگی ۔ تاہم فلم کے ولن اس بار سونو سوڈ کے بجائے پرکاش راج ہیں70کروڑ روپے کے بجٹ سے تیار ہونے والی یہ فلم ریلیز سے قبل ہی180کروڑ کما چکی ہے جو رواں سال21دسمبر کو سینما گھروں کی زینت بنائی جائے گی ۔ سلمان خان نے کہا ہے کہ سوناکشی نے پھر میلہ لوٹنے کی تیاری کرلی ہے۔نئی فلم میں وہ ایک بار پھر ساتھ نبھارہی ہیں ۔انھوں نے کہا کہ ''دبنگ ٹو'' باکس آفس پر کامیابی کے نئے ریکارڈ قائم کرے گی۔ انھوں نے کہا کہ ہم ایک اور ہی دنیا تخلیق کر رہے ہیں ان کا کہنا ہے کہ 100 کروڑ روپے کی کامیابی کے زمانے چلے گئے، اب 2سو کروڑ کی بلکہ اور آگے کی بات کی جائے۔ انھوں نے پیش گوئی کر دی ہے کہ ان کی ''دبنگ2'' دو سوکروڑ سے ابتداء کرے گی اور تمام آمدنی کے ریکارڈ توڑ دے گی۔ ان کا کہنا ہے کہ انھوں نے ہی 100کروڑ کلب قائم کیا اور دوسروں نے اس کی تقلید کی تھی اب وہ ایک قدم آگے بڑھا رہے ہیں تو لوگ اس کی نقالی کریں گے واضح رہے کہ عامر خان کی 3ایڈیٹس نے 200کروڑ کی حد عبور کی تھی سلمان خان کی تازہ ترین فلم ایک تھا ٹائیگر 100کروڑ سے کہیں زیادہ کا بزنس کر چکی ہے اور دبنگ 2کا ان کا دعوی بعید از قیاس نہیں کہا جاسکتا ان کے قریبی حلقوں کا کہنا تھا کہ سلمان نے پہلی دبنگ کے بارے میں پہلے ہی کہہ دیا تھا کہ یہ ایک سو کروڑ کی حد عبور کرے گی اور اس فلم نے 140کروڑ کا سرمایہ حاصل کیا تھا لہذا کوئی وجہ نہیں کہ دبنگ 2بھی یہ کر دکھائے۔ بالی وڈ حلقوں کا کہنا ہے کہ اداکارسوناکشی سنہا نے ایک ماڈل اور فیشن ڈیزائنرکے طور پر کام شروع کیا،ان کی اداکاری کے جوہر بعد میں کھل کر سامنے آئے ۔اداکارہ کی جانب سے پہلی فلم میں عمدہ پرفارمنس سے ان کی بالی وڈ میں آمد کو ہی ایک طرح سے نیک شگون تصور کیا جاتا ہے ۔فلمسازوں کا خیال ہے کہ سوناکشی کی پرفارمنس اب آنیوالی فلموں میں کامیابی کی ضمانت بنے گی۔اداکارہ نے انتہائی مختصر وقت میں اچھا اور معیاری کام کیا ہے ، ان حلقوں کے مطابق عمومی طور پر نئی اداکارائیں آتے ہی اپنے بولڈ سین کے سہارے فلم میں نمایاں ہونے کی کوشش کرتی ہیں تاہم سوناکشی نے ایسا انداز نہیں اپنایا بلکہ انھوں نے اپنے کردار پر محنت کی ہے اور جس تک مناسب سمجھا جاتا ہے وہی کیا ۔سوناکشی کو آغاز پر ماڈل کے طور پر ہی لیا گیالیکن بعد میں ان کی اداکاری کا چرچہ ہوا تو پرفارمنس کے حوالے سے مثبت آراء سامنے آئیں۔ اداکارہ نے 2008 میں فیشن شو کے دوران ریمپ پر واک کرکے شوبز کی دنیا میں قدم رکھا تو ان کے بارے میں تبصرے ہونے لگے اور پھر ان کی 2009 میں پھر ریمپ پر واک سے لوگ لطف اندوز ہوئے۔ سوناکشی سنہا نے 2005میں فلم ''میرا دل لے کے دیکھو'' کے لیے فیشن ڈیزائنر کے طور پر خدمات پیش کیں جس میں انھوں نے خاطر خواہ کامیابی حاصل کی۔
بالی وڈ اداکارہ سوناکشی سنہا نے کہا ہے کہ فلم ''دبنگ ٹو '' میں اپنی عمدہ پرفارمنس سے شائقین کے دل جیت لوں گی۔نئی فلم میں کردار کو وسعت دی ہے جس میں اپنی بھرپور صلاحیتوں کے اظہار کا موقع ملا ہے ،اداکارہ کا کہنا ہے کہ رواں ماہ کی 21تاریخ کو سینمائوں کی زینت بننے والی اس فلم میں میرا کردار یاد گار ہوگا ۔
اپنے کام کو سلیقے سے عکسبند کروایا ہے اور یقین رکھتی ہوں کہ میری محنتیں رنگ لائیں گی ۔سوناکشی کے مطابق سلمان خان کی اس فلم میں بزنس کے حوالے سے بھی توقعات پوری ہونگی ۔فلم کی کہانی بھی بڑی دلچسپ ہے اور اس میں تمام فنکاروں نے نہایت عمدہ پرفارم کیا ہے۔ انھوں نے کہا کہ شائقین کی پسند کا احترام کرنا ضروری ہے۔ وزن بڑھنے اور کم ہونے کی باتیں فضول ہوجاتی ہیں ۔اپنی کامیابیوں پر بہت خوش ہوں ،مجھے توقع ہے کہ آنیوالا کل میرے دامن میں مزید کامیابیاں بھرے گا ۔سلمان نے دسمبرمیں ''دبنگ ٹو''کی ریلیز کا منصوبہ بناکر اس کو مزید خوبصورت کردیا ہے۔ انھوں نے کہا کہ قابل اعتراض سین ہی کامیابی سے ہمکنار نہیں کراتے بلکہ معیاری کام ہی امر ہوتا ہے ۔ انھوں نے کہا کہ مداحوں نے مجھ پر تنقید کرنے والوں کے نظریات کو مسترد کر دیا ہے۔ قبل ازیں بالی وڈ اداکارہ سوناکشی سنہا نے کہا ہے کہ فلم ''لٹیرا'' میری مشکل ترین فلم ثابت ہوئی ہے۔
اس میں میری پرفارمنس بھی یاد گار ہوگی۔انھوں نے کہاکہ ہدایت کار وکرم ادتیہ سے بہت کچھ سیکھا ہے مگر ان کے ساتھ کام کرنا آسان نہیں ہے ایسے لگتا ہے کہ جیسے پھر سے میں اسکول میں داخل ہوگئی ہوں ۔سوناکشی نے کہا کہ یکم مارچ کو ریلیز ہونے والی فلم ''لٹیرا''پسند کی جائے گی ۔اس فلم کی کہانی کو عمدگی سے فلمایا گیا ہے ۔رنویر سنگھ نے بہت اچھی پرفارمنس دی ہے ۔امیت کے میوزک نے بھی فلم کو چارچاند لگادیے ہیں۔اداکارہ کا کہنا ہے کہ فلم کی تشہیری مہم کا آغاز بھی ہورہا ہے جس کے لیے تمام انتظامات مکمل ہیں۔ واضح رہے کہ 2جون 1987کو بالی وڈ اسٹار شتروگھن سنہا کے گھر پیدا ہونے والی25سالہ اداکارہ نے کیرئیر کا آغاز ماڈلنگ سے کیا ۔بالی وڈ میں پہلی فلم سلمان خان کے ساتھ ''دبنگ'' تھی جو 2010 میں ریلیز کی گئی۔ 2012میں سوناکشی کی دو فلمیں ''راوڈی راٹھور''اور'' جوکر''تھی ان میں سوناکشی کے مدمقابل اکشے کمار نے مرکزی کردار نبھایا ۔ اب ان کی فلم ''دبنگ ٹو ''ریلیز کے لیے تیار ہے اس فلم میں ان کے کردارپر تبصرہ کرنیوالوں نے اچھی امیدیں وابستہ کررکھی ہیں ۔ دریں اثناء بالی وڈ اداکارہ ملائیکہ اروڑہ خان نے کہا ہے کہ سوناکشی اور سلمان کی فلم ''دبنگ ٹو ''ایک صاف ستھری فلم ہوگی۔ کہانی اور کرداروں کے تال میل سے جڑی ہوئی فلم کو دیکھنے والے خوشی محسوس کریں گے۔ادھر ارباز خان نے بھی فلم کی تعریف کرتے ہوئے کہا ہے کہ سوناکشی کا کردار بھی قابل دید ہوگا،ان کی پرفارمنس یادگار ہوگی ۔ارباز خان نے کہا کہ جب سیٹ پر ہوتے ہیں تو ذہن میں کوئی رشتہ تعلق خاطر میں نہیں لاتے صرف پروفیشنل ہوجاتے ہیں ،فلم ''دبنگ ٹو ''کے سیٹ پر تمام فنکاروں کے ساتھ فیملی کی طرح تعلق بنا ہے اور اس سے کام کرنے میں زیادہ سہولت رہتی ہے،انھوں نے کہا کہ فلم ''دبنگ ٹو ''ایک فیملی فلم ہوگی۔ دبنگ ہیرو سلمان خان ایک بار پھر دبنگ اسٹائل میں سینما گھروں میں واپسی کے لیے تیار ہیں2012کی بلاک بسٹر فلم دبنگ کے سیکوئل ''دبنگ ٹو ''کے نئے رومانٹک سانگ "سانسوں نے"کی وڈیوجاری کردی گئی ہے ۔
سونو نگم اورتلسی کمار کی آوازمیں ریکارڈ کیے گئے اس گانے میں دبنگ سلمان خان چلبل پانڈے اپنی ہیروئن سوناکشی سنہا بیوی رجو پانڈے کے ساتھ رومانٹک لانگ ڈرائیو پر نکلے ہوئے ہیںسلمان کے بھائی ارباز خان کی ہدایتکاری میں بننے والی اس فلم کو ارباز اور ان کی اہلیہ ملائیکہ اروڑا خان نے مشترکہ طور پرپروڈیوس کیا ہے۔پچھلی فلم کی طرح اس فلم میں سلمان کی ہیروئن سوناکشی ہی ہونگی ۔ تاہم فلم کے ولن اس بار سونو سوڈ کے بجائے پرکاش راج ہیں70کروڑ روپے کے بجٹ سے تیار ہونے والی یہ فلم ریلیز سے قبل ہی180کروڑ کما چکی ہے جو رواں سال21دسمبر کو سینما گھروں کی زینت بنائی جائے گی ۔ سلمان خان نے کہا ہے کہ سوناکشی نے پھر میلہ لوٹنے کی تیاری کرلی ہے۔نئی فلم میں وہ ایک بار پھر ساتھ نبھارہی ہیں ۔انھوں نے کہا کہ ''دبنگ ٹو'' باکس آفس پر کامیابی کے نئے ریکارڈ قائم کرے گی۔ انھوں نے کہا کہ ہم ایک اور ہی دنیا تخلیق کر رہے ہیں ان کا کہنا ہے کہ 100 کروڑ روپے کی کامیابی کے زمانے چلے گئے، اب 2سو کروڑ کی بلکہ اور آگے کی بات کی جائے۔ انھوں نے پیش گوئی کر دی ہے کہ ان کی ''دبنگ2'' دو سوکروڑ سے ابتداء کرے گی اور تمام آمدنی کے ریکارڈ توڑ دے گی۔ ان کا کہنا ہے کہ انھوں نے ہی 100کروڑ کلب قائم کیا اور دوسروں نے اس کی تقلید کی تھی اب وہ ایک قدم آگے بڑھا رہے ہیں تو لوگ اس کی نقالی کریں گے واضح رہے کہ عامر خان کی 3ایڈیٹس نے 200کروڑ کی حد عبور کی تھی سلمان خان کی تازہ ترین فلم ایک تھا ٹائیگر 100کروڑ سے کہیں زیادہ کا بزنس کر چکی ہے اور دبنگ 2کا ان کا دعوی بعید از قیاس نہیں کہا جاسکتا ان کے قریبی حلقوں کا کہنا تھا کہ سلمان نے پہلی دبنگ کے بارے میں پہلے ہی کہہ دیا تھا کہ یہ ایک سو کروڑ کی حد عبور کرے گی اور اس فلم نے 140کروڑ کا سرمایہ حاصل کیا تھا لہذا کوئی وجہ نہیں کہ دبنگ 2بھی یہ کر دکھائے۔ بالی وڈ حلقوں کا کہنا ہے کہ اداکارسوناکشی سنہا نے ایک ماڈل اور فیشن ڈیزائنرکے طور پر کام شروع کیا،ان کی اداکاری کے جوہر بعد میں کھل کر سامنے آئے ۔اداکارہ کی جانب سے پہلی فلم میں عمدہ پرفارمنس سے ان کی بالی وڈ میں آمد کو ہی ایک طرح سے نیک شگون تصور کیا جاتا ہے ۔فلمسازوں کا خیال ہے کہ سوناکشی کی پرفارمنس اب آنیوالی فلموں میں کامیابی کی ضمانت بنے گی۔اداکارہ نے انتہائی مختصر وقت میں اچھا اور معیاری کام کیا ہے ، ان حلقوں کے مطابق عمومی طور پر نئی اداکارائیں آتے ہی اپنے بولڈ سین کے سہارے فلم میں نمایاں ہونے کی کوشش کرتی ہیں تاہم سوناکشی نے ایسا انداز نہیں اپنایا بلکہ انھوں نے اپنے کردار پر محنت کی ہے اور جس تک مناسب سمجھا جاتا ہے وہی کیا ۔سوناکشی کو آغاز پر ماڈل کے طور پر ہی لیا گیالیکن بعد میں ان کی اداکاری کا چرچہ ہوا تو پرفارمنس کے حوالے سے مثبت آراء سامنے آئیں۔ اداکارہ نے 2008 میں فیشن شو کے دوران ریمپ پر واک کرکے شوبز کی دنیا میں قدم رکھا تو ان کے بارے میں تبصرے ہونے لگے اور پھر ان کی 2009 میں پھر ریمپ پر واک سے لوگ لطف اندوز ہوئے۔ سوناکشی سنہا نے 2005میں فلم ''میرا دل لے کے دیکھو'' کے لیے فیشن ڈیزائنر کے طور پر خدمات پیش کیں جس میں انھوں نے خاطر خواہ کامیابی حاصل کی۔