ہالی ووڈ فلم لیس مزرایبلز کا پریمئر نیویارک میں ہوا جس میں رسل کرو اور این ہیتھ وے سمیت پوری کاسٹ نے شرکت کی۔

آسکر ایوارڈ یافتہ ڈائریکٹر ٹام ہوپر نے فلم لیس مزرایبلز کی ہدایت کاری کی ہے۔ ہو جیک مین مرکزی کردار ولجین کا کردار ادا کر رہے ہیں۔ ولجین کو روٹی چوری کرنے میں سترہ سال کی سزا سنائی جاتی ہے جس کے خلاف وہ جدوجہد کرتا ہے۔ فلم اٹھارہ سو باسٹھ میں تحریر کردہ ناول لیس مزرایبلز پر مشتمل ہے۔ اس ناول پر پہلے ہی کئی اسٹیج ڈرامے بن چکے ہیں۔