ٹائیگر شروف  نے ہریتھک روشن کوفلم نگری کا مکمل ادکار قرار دے دیا

ہریتھک روشن ہر فن مولا اور فلم انڈسٹری کے لیے تحفہ ہیں، بالی ووڈ اسٹار ٹائیگرشروف فوٹو : فائل

---

بالی ووڈ کے نوجوان اداکار ٹائیگر شروف نے ایکشن ہیرو ہریتھک روشن کو فلم نگری کا مکمل اداکار قرار دیا ہے۔

بالی ووڈ اسٹار ٹائیگر شروف نے فلمی کیرئیر کا آغاز 2014 میں ریلیز ہونے والی فلم ''ہیروپنتی'' سے کیا اور خوب شہرت حاصل کی جب کہ اپنے منفرد رقص اور ادکاری کے باعث انہیں مستقبل کا ہریتھک روشن قرار دیا جاتا ہے لیکن نوجوان اداکار ہریتھک روشن کو اپنا آئیڈیل قرار دیا ہے۔

ٹائیگر شروف کا کہنا تھا کہ ہریتھک روشن ہر فن مولا اور فلم انڈسٹری کے لیے تحفہ ہیں جنہیں دیکھ کرکہا جاسکتا ہے کہ وہ ایک مکمل اداکار ہیں جس میں ہر طرح کی صلاحیتیں موجود ہیں۔ انہوں نے کہا کہ میں بچپن سے ہی ہریتھک روشن کا مداح ہوں اور انہی کی طرح رقص کرنے کی کوشش کرتا تھا جس کی وجہ سے آج انہیں کی طرح ڈانس کرتا ہوں۔

واضح رہے کہ اداکار ٹائیگر شروف اپنی نئی آنے والی فلم ''منامائیکل''کی شوٹنگ میں مصروف ہیں۔