ہوم سیریز آسٹریلوی نشریاتی ادارے کا کمنٹری کیلیے وقار یونس سے رابطہ

آسٹریلوی نشریاتی ادارے نے رواں سیزن میں پاکستان اور جنوبی افریقہ سے ہوم سیریز میں کمنٹری کیلیے وقار یونس اور کیون پیٹرسن سے بات چیت شروع کردی۔

سابق کپتان مائیکل کلارک بھی چینل نائن کی کمنٹری ٹیم کا حصہ بنیں گے، البتہ بریٹ لی اور مائیکل ہسی اس بار ٹی وی مائیک کے سامنے نہیں ہوں گے۔


سابق کپتان کلارک نے بگ بیش میں واپسی کے بجائے ہوم سیریز میں ٹی وی پر تبصرہ کار بننے کو ترجیح دی ہے، جس کیلیے مذکورہ چینل سے ان کا معاہدہ جلد متوقع ہے، اگرچہ چینل نے مائیکل ہسی اور بریٹ لی کو بھی اپنی کمنٹری ٹیم کا حصہ بنانا چاہا تھا، لیکن بریٹ لی کاوبار میں دلچسپی رکھتے ہیں۔