کوئٹہ میں حساس اداروں کا کومبنگ آپریشن 2 دہشت گرد ہلاک

ہلاک دہشت گردوں کا تعلق کالعدم تنظیم سے ہے جب کہ آپریشن میں 10 مشتبہ افراد بھی گرفتار ہوئے، ذرائع ایف سی

ویب ڈیسک October 16, 2016

ہلاک دہشت گردوں کا تعلق کالعدم تنظیم سے ہے جب کہ آپریشن میں 10 مشتبہ افراد بھی گرفتار ہوئے، ذرائع ایف سی، فوٹو؛ فائل

سبزل روڈ پر ایف سی اور حساس اداروں کے کومبنگ آپریشن میں 2 دہشت گرد ہلاک جب کہ 10 مشتبہ افراد کو گرفتار کرلیا گیا۔

ایکسپریس نیوز کے مطابق ایف سی اور حساس اداروں نے کوئٹہ کے علاقے سبزل روڈ پرکومبنگ آپریشن کیا اس دوران علاقے میں چھپے دہشت گردوں نے سیکیورٹی اہلکاروں پر فائرنگ کردی جس کے بعد دو طرفہ فائرنگ کا تبادلہ ہوا اور اس کے نتیجے میں 2 دہشت گرد ہلاک اور ایک سیکیورٹی اہلکار زخمی ہوگیا۔

ایف سی ذرائع کے مطابق علاقے میں آپریشن کالعدم تنظیم کے دہشت گردوں کی موجودگی کی اطلاع پر کیا گیا جس میں ہلاک ہونے والے دہشت گردوں کا تعلق بھی کالعدم تنظیم ہے۔ ذرائع نے بتایا کہ آپریشن کے دوران 10 مشتبہ افراد کو بھی گرفتار کیا گیا جب کہ دہشت گردوں کے قبضے سے ہینڈ گرینیڈ اور دیگر اسلحہ برآمد کرلیا گیا۔